Erbyn hyn, mae cynnig gwasanaeth cyfieithu ar y pryd mewn cyfarfodydd cyhoeddus wedi dod yn arfer cyffredin yng Nghymru. Mae’n dangos eich dymuniad i sicrhau cyfle cyfartal ac yn rhoi’r cyfle i bawb siarad yn eu dewis iaith. Mae’n galluogi pawb i ddeall y cyfraniadau sy’n cael eu gwneud, gan arwain at drafodion dwyieithog cwbl naturiol. Rydym yn cynnig gwasanaeth cyfieithu ar y pryd o'r Gymraeg i'r Saesneg ac o'r Saesneg o'r Gymraeg.

Mae gennym dîm o gyfieithwyr ar y pryd dynamig a phrofiadol ledled Cymru, pob un ohonynt wedi llwyddo ym mhrawf cyfieithu ar y pryd llym Cymdeithas Cyfieithwyr Cymru. Mae ein rhwydwaith o gyfieithwyr ar y pryd cymeradwy yn sicrhau y gallwn drefnu gwasanaeth cyfieithu ar y pryd lle bynnag, a phryd bynnag, y bydd eich digwyddiad yn cael ei gynnal.

Mae gennym ein cyflenwad ein hunain o’r offer cyfieithu digidol cludadwy diweddaraf un. Felly, yn ogystal â darparu cyfieithwyr medrus iawn, gallwn roi’r sicrwydd a’r tawelwch meddwl i chi fod yr ochr dechnegol o dan reolaeth dda hefyd.